હું નથી હું

હું  નથી  હું 

હું  તો આ  છું 

ચાલે  એ મારી  પડખે 

ને  હું   જોઈ ના  શકું  

ક્યારેક  જેને  મળું  

તો  ક્યારેક  પાછો  ભૂલું 

હોય  જે  ખામોશ  જો  હું  વદું

કરે  એ માફ   જયારે  ઘૃણા  કરું

વિહરે  એ  બારે  જો  હું  ઘરમાં  રહું 

રે'શે  એ  અકબંધ  ખડો, હું  જો  મરું.

બાબુલ 

યુંઅન રામોન જીમેનેઝ (Juan Ramon Jimenez ) ના  કાવ્ય I am not I નો અનુવાદ 

અહં - બાબુલ

જીત્યા તો યે જુઓ પરાજય થયો છે

થઇ કબર ક્યાં ક્યાં મહાલય થયો છે

માથાનો સૂરજ  પણ ડૂબ્યો છે સાંજે 

ને અંધકાર જાણે નિરામય થયો છે 

છે મસ્ત આમ તો એકે એક પગલાં

ખયાલ એમનો જ શુરાલય થયો છે 

હતો જે ઉત્તુંગ ચોકમાં જે અડીખમ 

અહમ આ ખરેલ  દેવાલય થયો છે 

ઘૂંટ્યો છે જેને વિષ પિયાલા સમ

એ શબ્દ બાબુલ શિવાલય થયો છે 

બાબુલ ૨/૧૧