શુક્રવાર, 10 જુલાઈ, 2009

વિસ્ફોટ - 'બાબુલ’

મારી આંખમાં ફૂટી નીકળેલું
સાતમું આકાશ
વાદળ થઇ વરસી પડે
અનરાધાર
ભીંજાયેલા હૃદયમાં થાય શરૂ
વાવણી
લાગણીની
એક
કાચી માટીનું ખોરડું
ઓગળીને થઇ જાય
એકાકાર:
મારું શરીર
અનુભૂતિથી દૂર
જાણે
અજાણ્યા વાતાવરણમાં
પામે વિસ્ફોટ!
શેષ:
ઝરમરિયાં સંવેદનો
ફોરાં ફોરાં

'બાબુલ'
કાવ્ય સંગ્રહ 'અસર' માં થી

રવિવાર, 5 જુલાઈ, 2009

બુદ્ધિ - 'બાબુલ’

બુદ્ધિ કંઇ ટોળે નથી વળતી
ટોળામાં બુદ્ધિ નથી મળતી
ના ખણ માથું તું 'બાબુલ'
બુદ્ધિ કંઇ સૌને નથી ફળતી

'બાબુલ’

દુર્દાંત વજન-બાબુલ (ભાવાનુવાદ)

દુર્દાંત વજન [જો બધું જ ના કરી શકે તો કાંઇક પણ પ્રયત્ન કરવા વિશે જે કોઇ આત્મશંકા કરે છે એમને]  તમે કહો છોઃ જે કંઇ છે મારાં નાનાં મોટાં યત્નો...